ბელარუსის საპრეზიდენტო არჩევნები მშვიდ გარემოში ჩატარდა, თუმცა საერთაშორისო სტანდარტებს არ შეესაბამებოდა. ამის შესახებ აშშ სახელმწიფო დეპარტამენტის განცხადებაშია ნათქვამი. „საერთაშორისო დამკვირვებლებმა საარჩევნო პროცესში არაერთი დარღვევა გამოავლინეს. ძირითადი პრობლემები ბიულეტენების დათვლის პროცესში გამოვლინდა. ბელარუსი არასრულფასოვანი სამართლებრივი ბაზის დასახვეწად ფუნდამენტალურ რეფორმებს საჭიროებს,“-ნათქვამია ქერის უწყების განცხადებაში.
