“ალ-ქაიდას” მოკავშირე სირიული დაჯგუფების, “ნუსრას ფრონტის” ლიდერი ამბოხებულებს რუსების წინააღმდეგ გაერთიანებისკენ მოუწოდებს. აბუ მუჰამედ გოლანის თქმით, სირიის კონფლიქტში რუსეთის ჩართვა ასადის რეჟიმს ვერ გადაარჩენს, ისევე, როგორც ეს ირანისა და ჰეზბოლას შემთხვევაში მოხდა. დაჯგუფების ლიდერმა რუსულ საჰაერო ოპერაციებს სირიაში “ახალი ჯვაროსნული ომი” უწოდა და რუსეთს სირიაში ისეთივე მარცხი უწინასწარმეტყველა, როგორიც მოსკოვმა ავღანეთში განიცადა.
