რუსულმა ავიაციამ სირიაში ბოლო 24 საათის განმავლობაში 53 ობიექტი დაბომბა. ამის შესახებ რუსეთის თავდაცვის სამინისტრო იტყობინება. გავრცელებული ინფორმაციით, რუსულმა ბომბდამშენებმა იერიში ჰამაში ისლამური სახელმწიფოს ავტოკოლონაზე მიიტანეს. ამავე რაიონში ისლამისტთა სამეთაურო პუნქტი განადგურდა. რამდენიმე სტრატეგიული მნიშვნელობის ობიექტი ააფეთქეს რუსებმა ლატაკიაშიც. დაზუსტებული ინფორმაცია მსხვერპლის შესახებ ჯერჯერობით არ გავრცელებულა.
