ოდესის გუბერნატორი იმედოვნებს, რომ კორუფციას დაამარცხებს. ამის შესახებ ის სოციალურ ქსელ ფეისბუკში წერს. „ახლახანს ვიმყოფებოდი ერთ-ერთ დასახლებულ რაიონში, სადაც ადგილობრივმა ხელისუფლებამ მიწები თავის ნათესავებს დაურიგა. ისინი დამხვდნენ პლაკატებით. ეს სწორედ ის ხალხი იყო, ვინც ძვირადღირებული მიწები მიიტაცა. მე თითოეული ოდესელის აზრს გულისყურით მოვუსმენ, მაგრამ მაფია ჩემი ხმის გადაფარვას ვერ შეძლებს. ჩვენ ამ ქურდებსა და არამზადებს საბოლოოდ დავამარცხებთ. ისინი საოლქო და საქალაქო საბჭოებში იმისთვის მოდიან, რომ მოიპარონ,“-წერს სააკაშვილი.
