რუსეთის ჩართვა სირიის საომარ მოქმედებებში ვაშინგტონისთვის მოულოდნელი არ ყოფილა. ამის შესახებ თეთრი სახლის ლიდერმა ტელეკომპანია CBS-სთვის მიცემულ ინტერვიუში განაცხადა.
„ჩვენ ვიცოდით, რომ პუტინი ასადის მხარდაჭერას აპირებდა. დაზვერვა ამის შესახებ გვაფრთხილებდა. რუსეთი რეგიონში ლიდერის პოზიციის შენარჩუნებას ცდილობს, მაგრამ თუ ლიდერობაა ის, რომ ქვეყნის ეკონომიკა ფსკერზეა დასული და ამ დროს ჯარებს ერთადერთი პარტნიორის (ასადის) დასახმარებლად აგზავნი, შემიძლია გითხრათ, რომ ლიდერობაზე მე და მას განსხვავებული წარმოდგენა გვაქვს,“-აღნიშნა ბარაკ ობამამ.
