ბრიტანეთის სამხედრო საჰაერო ძალებს რუსული თვითმფრინავების ჩამოგდების ნებართვას მისცემენ, - ამის შესახებ ინფორმაციას "თაიმსი" ბრიტანეთის თავდაცვის უწყების წყაროზე დაყრდნობით ავრცელებს.
,,ბრიტანეთის სამხედრო საჰაერო ძალების "ტორნადოს" ტიპის თვითმფრინავები "ჰაერი-ჰაერი" ტიპის რაკეტებით აღიჭურვება, რომელთა მეშვეობით მფრინავებს ნებას დართავენ "საფრთხის შემთხვევაში" რუსული თვითმფრინავები ჩამოაგდონ” - აცხადებს გამოცემა. მისივე ინფორმაციით, საუბარია სამხედრო თვითმფრინავებზე, რომლებიც მოქმედებაშია მოყვანილი "ისლამური სახელმწიფოს" წინააღმდეგ ერაყის ტერიტორიაზე.
"თაიმსის" ინფორმაციით, ამ დრომდე "ტორნადოები" აღჭურვილები იყვნენ კოსმოსური მართვის ბომბებით, ახლა ვითარება შეიცვალა და ბრიტანული თვითმფრინავები უკვე მართვადი რაკეტებით "ASRAAM"-ით იქნება აღჭურვილი, რომელსაც ნებისმიერ სამხედრო თვითმფრინავის განადგურება შეუძლია.
