ანკარაში მომხდარი ტერაქტის შედეგად გარდაცვლილთა რაოდენობა იზრდება. ბოლო მონაცემებით გარდაცვლილთა რაოდენობა 97-ს, დაშავებულთა რიცხვი კი 400-ს შეადგენს.
თურქეთის პრემიერ-მინისტრის, აჰმედ დავუთოღლუს განცხადებით, ამ ტერორისტული აქტის უკან შეიძლბვა იდგეს "ისლამური სახელმწიფო", "ქურთისტანის მუშათა პარტია" და ორი მემარცხენე ექსტრემისტული დაჯგუფება.
თვითმკვლელი ტერორისტების მიერ მოწყობილი აფეთქებები პროფკავშირების მიერ ორგანიზებული სამშვიდობო მიტინგის დაწყებამდე ცოტა ხნით ადრე მოხდა. მიტინგი სახელწოდებით "შრომა, მშვიდობა, დემოკრატია" ძალადობის წინააღმდეგ იმართებოდა.
მიტინგში მონაწილეობის მიღებისკენ მოსახლეობას "ქურთისტანის მუშათა პარტია" მოუწოდებდა.
10 ოქტომბერს ორი აფეთქება თურქეთის დედაქალაქის ცენტრალური რკინიგზის მახლობლად, მოხდა.
