იმისათვის, რომ საერთაშორისო იზოლაციას თავი დააღწიოს, რუსეთმა ყირიმზე უარი უნდა თქვას. ამის შესახებ ამერიკის თავდაცვის მინისტრმა ეშტონ კარტერმა განაცხადა. მისივე თქმით, სირიაში განვითარებული მოვლენების გამო ნატო უკრაინის საკითხთან დაკავშირებით ყურადღების მოდუნებას არ აპირებს. „მათ ჯერ კიდევ შუძლიათ ვითარების შეცვლა და საერთაშორისო იზოლაციისგან თავის დაღწევა, მაგრამ ძნელი სათქმელია, ისურვებენ თუ არა თავად ამას,“-აღნიშნა კარტერმა.
