სირიაში რუსეთის ქმედებები უპასუხისმგებლოა. ამის შესახებ ამერიკის თავდაცვის მინისტრმა ეშტონ კარტერმა განაცხადა. მისივე თქმით, კასპიის ზღვიდან სირიის ტერიტორიების დაბომბვისას ერთ-ერთმა რაკეტამ ამერიკულ უპილოტო თვითმფრინავს რამდენიმე მეტრში ჩაუარა. იმ შემთხვევაში, თუ რუსეთი არაკოორდინირებულ ქმედებებს გააგრძელებს, კარტერის თქმით, ეს გაცილებით ცუდ შედეგებს მოიტანს. ამერიკის თავდაცვის მდივანმა შეშფოთება რუსეთის მიერ თურქეთის საჰაერო სივრცის დარღვევის გამოც გამოთქვა.
