საქართველო ნატოს უახლოესი პარტნიორია. ამის შესახებ ნატოს გენერალურმა მდივანმა იენს სტოლტენბერგმა განაცხადა. კომენტარი ნატო-საქართველოს კომისიის სხდომის დასრულების შემდეგ გაკეთდა, სადაც სტოლტენბერგმა ხაზგასმით აღნიშნა, რომ ნატო საქართველოს მიერ მიღწეულ პროგრესს აღიარებს. მისივე რეკომენდაციით, რეფორმები უნდა გაგრძელდეს კანონის უზენაესობისა და სასამართლო სისტემის დამოუკიდებლობის საკითხებში. “ჩვენი ურთიერთობა სწორ გზაზეა, მაგრამ წინ ჯერ კიდევ ბევრი სამუშაოა”-აღნიშნა ალიანსის გენერალურმა მდივანმა. სტოლტენბერგმა საქართველოს სუვერენიტეტსა და ტერიტორიულ მთლიანობას მხარდაჭერა კიდევ ერთხელ გამოუცხადა.
