საქართველოს საგარეო საქმეთა მინისტრმა გიორგი კვირიკაშვილმა 2008 წლის მოვლენებზე ისაუბრა და რუსეთის ბოლოდროინდელი ქმედებები შეაფასა.
კვირიკაშვილი ამბობს, რომ 2008 წლის ომის დროს მოხდა საქართველოს ტერიტორიული მთლიანობა დაირღვა და საქართველო არის მზად მისი გამოძიებისთვის.
"ჩვენ მივაწოდეთ ყველა საჭირო ინფორმაცია. 2008 წელს სერიოზულად დაირღვა საქართველოს ტერიტორიული მთლიანობა და სუვერენიტეტი. ამას სხვა ახსნა არ აქვს. დღეს სახეზე გვაქვს მწვავე შედეგი–ოკუპირებული ტერიტორიები. სამწუხაროდ რუსეთმა გააფორმა ეგრეთ წოდებულ აფხაზეთსა და სამხრეთ ოსეთთან მოკავშრეობისა და სტრატეგიული პარტნიორობის ხელშეკრულებები. რა თქმა უნდა ვგმობთ ამ ფაქტს.
საერთაშორისო სამართლის მიხედვით შეუძლებელია ამ ხელშეკრულებებმა ლეგალური სტატუსი შეიძინონ. თანმიმდევრულნი ვართ იმაში, რომ ეს კონფლიქტი მშვიდობიანი გზით მოგვარდეს.
სწორედ ამიტომ არსებობს ჟენევის დისკუსიები, რომელშიც ჩართული არიან ჩვენი საერთაშორისო პარტნიორები. იმას, რაც მოხდა 2008 წელს, მხოლოდ ერთი ახსნა აქვს– დაირღვა საქართველოს ტერიტორიული მთლიანობა და სუვერენიტეტი. ჩვენ გახსნილი ვართ გამოძიებისთვის.
სასამართლო პროცესის შედეგების პროგნოზირება არ შეგვიძლია, მაგრამ მზად ვართ გამჭვირვალე თანამშრომლობისთვის. ჩვენ ვცხოვრობდით ამ ქვეყანაში და ქართველებმაც და ჩვენმა საერთაშორისო მოკავშირეებმა და მეგობრებმაც კარგად იციან რა მოხდა. ამ ისტორიას მხოლოდ ერთი მხარე აქვს,"- განაცხადა საქართველოს საგარეო საქმეთა მინისტრმა გიორგი კვირიკაშვილმა.
