NATO-ს გენერალური მდივანი იენს სტოლტენბერგი ალიანსისა და საქართველოს ურთიერთობებში მნიშვნელოვან პროგრესსზე საუბრობს. ბრიუსელში, ნატოს მინისტერიალის დაწყებამდე, მან ჟურნალისტებთან შეხვედრისას განაცხადა, რომ ნატო-მ და საქართველომ დიდ წარმატებას მიაღწიეს ბოლო ერთ წელში და შემდგომ უფრო მჭიდრო თანამშრომლობაა მოსალოდნელი.
"ჩვენ შევხვდებით საქართველოს თავდაცვის მინისტრს. ნატომ და საქართველომ დიდ წარმატებას მიაღწიეს პარტნიორობაში ბოლო 1 წელში. ჩვენ გავხსენით ახალი საწვრთნელი ცენტრი. ახლა ჩვენ შემდგომ მჭიდრო თანამშრომლობას ველით," - განაცხადა იენს სტოლტენბერგმა.
მინისტერიალს, რომელიც სულ ცოტა ხნის წინ დაიწყო, საქართველოს თავდაცვის მინისტრი თინა ხიდაშელი დაესწრება.
