ნატო-ს თავდაცვის მინისტერიალის ფარგლებში, ბრიუსელში გამართულ ღონისძიებებს, ქართული სინქრონული თარგმანიც ექნება. ამის შესახებ ინფორმაცია ნატო-ს ვებგვერდზეა განთავსებული.
ქართული თარგმანი ექნება ასევე ნატოს გენერალური მდივნის პრესკონფერენციასაც, რომელსაც იენს სტოლტენბერგი ნატო-საქართველოს კომისიის სხდომის შემდეგ გამართავს.
ნატო-საქართველოს კომისიის სხდომა, დღეს თბილისის დროით, 18:45 საათზე დაიწყება.
სტოლტენბერგის პრესკონფერენცია თბილისის დროით, 20:30 საათზეა დაგეგმილი.
ბრიუსელში ნატო-ს თავდაცვის მინისტერიალი მიმდინარეობს. მინისტერიალის ფარგლებში, ნატო-ს შტაბ-ბინაში, საქართველოს თავდაცვის მინისტრმა თინათინ ხიდაშელმა და საგარეო საქმეთა მინისტრმა გიორგი კვირიკაშვილმა ალიანსის გენერალურ მდივანთან იენს სტოლტენბერგთან გუშინ ორმხრივი შეხვედრა გამართეს.
შეხვედრას დაესწრო გენერალური მდივნის მოადგილე ალექსანდერ ვერშბოუ.
აღნიშნულ, ღონისძიებებს ქართულის გარდა ინგლისურის, ფრანგულისა და რუსული ენების სინქრონული თარგმანი ახლავს.
