თვითმმართველობის ვადამდელი არჩევნების და მერის გადაყენების მოთხოვნას, დედაქალაქის საკრებულოს უმრავლეოსბის წარმომადგენლები ხელოვნურ აჟიოტაჟად აფასებენ.
თუმცა მმართველ გუნდში აცხადებენ, რომ საქალაქო სამსახურების უკვე ყოფილი ხელმძღვანელების მუშაობით კმაყოფილი არ იყვნენ.
საკრებულოს ფრაქცია ქართული ოცნება - დემოკრატიული საქართველოსთვის თავმჯდომარის განმარტებით, ხარვეზების შემთხვევაში, საკადრო ცვლილებები კვლავ გაგრძელდება.
„ამ ადამიანებმა ამოწურეს თავისი შესაძლებლობა. ხშირდ ვამბობდით, რომ მათი მუშაობა არ მოგვწონდა. თუ გვექნება ასეთი შეფასება რომელიმე საქალაქო სამსახურთან დაკავშირებით, ისინიც დაემშვიდობებიან თანამდებობებს,“ - განაცხადა რიმა ბერაძემ.
გავრცელებული ინფორმაციით, პოსტები შესაძლოა დატოვონ თბილისის მერიის ეკოლოგიისა და გამწვანების სამსახურის უფროსმა და თბილისის მერის მოადგილემ ბიძინა გიორგობიანმა.
გიორგი სოლომონიამ ეს ინფორმაცია კატეგორიულად უარყო, გიორგობიანმა კი განმარტა, რომ განცხადებას პრესსამსახურის გარეშე ვერ გააკეთებს.
ოპოზიციის ინფორმაციით, ასევე შესაძლოა უახლოეს მომავალში თანამდებობიდან გადააყენონ კახი კალაძის ცოლის ძმა, სპორტის საქალაქო სამსახურის ხელმძღვანელი გიორგი არეშიძე, რომელსაც გადადგომა რამდენიმე დღის წინ თავად ვიცე-პრემიერმა ურჩია. მერიაში ამბობენ, რომ არეშიძე შვებულებიდან ორშაბათს დაბრუნდება.
