შეერთებული შტატები სირიაში სამხედრო მოქმედებების კოორდინირებას რუსეთთან არ აპირებს. ამის შესახებ ამერიკის თავდაცვის მინისტრმა რომში გამართულ პრესკონფერენციაზე განაცხადა. ეშტონ კარტერის თქმით, მოსკოვის სტრატეგია სირიაში აბსოლუტურად განსხვავებულია და ღრმა ნაკლოვანებები აქვს. მისივე მტკიცებით, რუსული ავიაგამანადგურებლები ხშირ შემთხვევაში იმ სამიზნეებს ბომბავენ, რომელიც ისლამურ სახელმწიფოსთან არანაირ კავშირში არ არის. რუსეთი სირიაში საჰაერო ოპერაციებს 30 სექტემბრიდან ახორციელებს.
