ჩრდილოატლანტიკური ალიანსი რუსული სამხედრო თვითმფრინავების მიერ თურქეთის საჰაერო სივრცის დარღვევას გმობს და რუსეთს სირიის ტერიტორიების დაბომბვის შეწყვეტისკენ მოუწოდებს. საგანგებო მიმართვა ბრიუსელში ალიანსის წევრი სახელმწიფოების მიერ გაკეთდა. სამიტის მონაწილეთა განცხადებით, საჰაერო იერიშების შედეგად სირიაში ოპოზიციის წარმომადგენლები და მშვიდობიანი მოქალაქეები იღუპებიან. ნატოში აცხადებენ, რომ რუსეთის მოქმედებამ რეგიონში კრიტიკულ ზღვარს მიაღწია. სირიის ტერიტორიებს რუსული ავიაგამანადგურებლები უკვე მე-6 დღეა, ბომბავენ.
