ყირგიზეთში საპარლამენტო არჩევნების შედეგებს ითვლიან. ცენტრალური საარჩევნო კომისიის მონაცემებით, მომავალ საკანონმდებლო ორგანოში 6 პოლიტიკური გაერთიანება მოხვდა, თუმცა უმრავლესობით პარლამენტში მოსვლას ვერცერთი მათგანი ვერ შეძლებს. ამ დროისათვის არსებული ინფორმაციით, არჩევნებში სოციალ- დემოკრატები ლიდერობენ, რომლებსაც ხმა ამომრჩეველთა 27-მა პროცენტმა დაუჭირა, მეორე ადგილზე ხმათა 20,3 პროცენტით პარტია “რესპუბლიკა ატა-ჟურტი” გავიდა, მესამე პოზიციას კი პარტია “ყირგისტანი” იკავებს. 5 პროცენტიანი ბარიერის გადალახვა შეძლეს პარტიებმა “ონუგუმ,” “ბირ-ბოლმა” და “ატა-მეკენმაც.” ოფიციალურ შედეგებს ყირგიზეთის ცესკო 2კვირაში გამოაქვეყნებს.
