გერმანიის კანცლერი ანგელა მერკელი სირიის კრიზისის გადასაჭრელად მოლაპარაკებების დაწყებას აუცილებლად მიიჩნევს.
ამის შესახებ კანცლერმა ერთ-ერთი გერმანული რადიოსთვის მიცემულ ინტერვიუში განაცხადა. კანცლერის თქმით, საჭიროა მოლაპარკებების პროცესში ბაშარ ასადის ხელისუფლებისა და ოპოზიციის ჩართვა.
მერკელი მიიჩნევს, რომ ამ პროცესში მნიშვნელოვანი როლი აკისრიათ რუსეთს, ირანსა და საუდის არაბეთს, ისევე როგორც შეერთებულ შტატებს, საფრანგეთსა და დიდ ბრიტანეთს.
ანგელა მერკელი ასევე ხაზგასმით აღნიშნავს, რომ გერმანია თავშესაფრის მინიჭების შესახებ კონსტიტუციით გათვალისწინებულ ნორმებზე, მიგრანტთა რაოდენობის გამო, უარის თქმას არ აპირებს.
