თურქეთის პრეზიდენტი სირიაში რუსეთის ხელისუფლების ქმედებებს სერიოზული შეცდომას უწოდებს.
რეჯებ ტაიპ ერდოღანის განცხადებით, სირიის დაბომბვის კამპანია მიუღებელია. გამოცემა წერს, რომ ერდოღანი საკითხის განხილვას რუსეთის პრეზიდენტ ვლადიმერ პუტინთან გეგმავს.
"რუსეთის მიერ გადადგმული ნაბიჯები და სირიის დაბომბვის კამპანია მიუღებელია. სამწუხაროდ, რუსეთი სერიოზულ შეცდომას უშვებს", - განაცხადა თურქეთის პრეზიდენტმა.
შეგახსენებთ, რო რუსეთის სამხედრო-საჰაერო ძალებმა სირიაში “ისლამური სახელმწიფოს” რვა ობიექტი გაანადგურეს. ინფორმაციას რუსეთის თავდაცვის სამინისტრო ავრცელებს. გავრცელებული ცნობით, რუსულმა თვითმფრინავებმა გუშინ 20 გაფრენა განახორციელეს და ერთ-ერთი ბანდფორმირების დაცული სამეთაურო პუნქტი, ასევე ასაფეთქებელი მოწყობილობებისა და საბრძოლო მასალების მიწისქვეშა ბუნკერი გაანადგურეს. რუსეთის პრემიერმინისტრი დიმიტრი მედვედევი აცხადებს, რომ სირიაში დაწყებული საჰაერო ოპერაცია რუსეთს ტერორიზმისგან იცავს. რუსულმა ავიაციამ სამხედრო ოპერაცია სირიაში 30 სექტემბერს დაიწყო.
