აშშ მტკიცედ უჭერს მხარს და დიდ მნიშვნელობას ანიჭებს მედიის დამოუკიდებლობას და აზრის გამოხატვის თავისუფლებას, - ამის შესახებ აშშ-ის ელჩმა საქართველოში იან კელიმ „რუსთავი 2“-თან დაკავშირებით დასმულ კითხვაზე საპასუხოდ განაცხადა.
„იცით ალბათ, რომ ამერიკის შეერთებული შტატები მტკიცედ უჭერს მხარს და დიდ მნიშვნელობას ანიჭებს მედიის დამოუკიდებლობას და აზრის გამოხატვის თავისუფლებას. მიგვაჩნია, რომ მნიშვნელოვანია, იყოს პლურალისტული მედიაგერმო. ჩვენ არ გვსურს ვიხილოთ პლურალური მედიაგარემო შეზღუდული. ჩვენ თვალყურის დევნებას განვაგრძობთ“, - განაცხადა ელჩმა.
მისივე თქმით, ის საქართველოში ორი კვირაა, იმყოფება და ამ პერიოდის განმავლობაში, მას ჰქონდა შეხვედრები მინისტრებთან, სადაც საუბრის თემა „რუსთავი 2“-თან დაკავშირებული მოვლენებიც იყო.
„რუსთავი 2“-ის გენერალური დირექტორის, ნიკა გვარამიას განცხადებით, ხელისუფლებამ თავისი გადაწყვეტილებით, რომელიც ტელეკომპანია "საქართველოს" წილების დაყადაღებას ეხება, "რუსთავი 2" დახურა. მისი თქმით, გადაკეტილია ყველა ფინანსური არხი, რომელსაც ტელევიზია ალტერნატივის შემთხვევაში იყენებდა.
