ბელარუსი მზადაა რუსეთსა და უკრაინას შორის სატრანზიტო ქვეყნის ფუნქცია შეასრულოს. ამის შესახებ ტრანსპორტის მინისტრის მოადგილემ ევგენი როგაჩევმა განაცხადა. „მინსკის ეროვნული აეროპორტი, საოლქო აეროპორტები და კომპანია ბელავია მზადყოფნას გამოთქვამენ იმისთვის, რომ ავიარეისები შეასრულონ და უკრაინაში გამგზავრების მსურველები ტრანზიტით ბელარუსის გავლით გადაიყვანონ. ჩვენ მათ ყველანაირ პირობასა და კომფორტს შევუქმნით,“-აღნიშნა როგაჩევმა. საკითხი დღის წესრიგში მას შემდეგ დადგა, რაც უკრაინამ რუსულ ავიაკომპანიებს სანქციები დაუწესა. პასუხად რუსეთმა ადეკვატური ზომები მიიღო.
