"გასაოცარი დემოკრატიის მეოთხე წელი, რომელიც, ბიძინა ივანიშვილის თქმით , უნდა ყოფილიყო საუკეთესო. მან თავისი გადაწყვეტილებით, რუსთავი2 დახურა. ის, რომ მაუწყებლობას ვაგრძელებთ, არ ნიშნავს, რომ ხელისუფლება ყველაფერს არ აკეთებს იმისათვის, რომ მაუწყებლობა შევწყვიტოთ. დღეს, როგორც არასდროს, ახლოს ვართ მაუწყებლობის შეწყვეტასთან," - ეს განცხადება რამდენიმე წუთის წინ რუსთავი2-ის გენერალურმა დირექტორმა, ნიკა გვარამიამ, გააკეთა.
გვარამიამ აღნიშნა, რომ ტელეკომპანიას გადაკეტილი აქვს ყველა ფინანსური არხი.
თბილისის საქალაქო სასამართლომ შპს ტელეკომპანია საქართველოს წილებიც დააყადაღა. შპს ტელეკომპანია საქართველო ტელეკომპანია რუსთავი2-ის 51-პროცენტიანი წილის მფლობელია.
დღეს გამართულ პრესკონფერენციაზე ქიბარ ხალვაშის ადვოკატმა, პაატა სალიამ, განაცხადა, რომ ტელეკომპანია რუსთავი2-ის საკონტროლო პაკეტის მფლობელი ტელეკომპანია საქართველოს წილების გასხვისება იგეგმებოდა.
