დონალდ ტრამპმა კიდევ ერთი ხმაურიანი განცხადება გააკეთა. პრეზიდენტობის რესპუბლიკელმა კანდიდატმა ნიუ-ჰემფშირელ ამომრჩევლებთან შეხვედრისას განაცხადა, რომ პრეზიდენტად არჩევის შემთხვევაში ქყვეყნიდან ყველა სირიელ ლტოლვილს გააძევებს. მილიარდერმა ახლო აღმოსავლეთში გატარებული პოლიტიკისთვის ობამას ადმინისტრაციაც გააკრიტიკა და აღნიშნა, რომ სირიასა და ერაყში ქაოტური ვითარება ამერიკული ჯარების გამოყვანამ შექმნა.
