ბელორუსის პრეზიდენტმა ალექსანდრ ლუკაშენკომ გაეროს გენერალურ ასამბლეაზე დასასწრებად, დელეგაციის შემადგენლობაში შვილი შეიყვანა.
ფოტო, რომელზეც ლუკაშენკოს შვილი გენერალურ ასამბლეას ესწრება, ჟურნალისტმა ანა ლუბაკოვამ Twitter-ში გამოაქვეყნა.
ფოტო გავრცელდა სოციალურ ქსელებში სადაც მას სხვადასხვა შინაარსის კომენტარები ერთვის.
„ბელორუსის ტახტის მემკვიდრე პოლიტიკურ თვალთმაქცობას სწავლობს, „ბატკა მას წლებს მოუმატებს და აი, ბელორუსის ახალი პრეზიდენტი“, „ულვაშები გაეზრდება და პოლიტიკაშიც წავა“, „ეს უკვე კლოუნადაც არ არის. ეს არის ჯანსაღი აზრის გათელვა და დაცინვა მსოფლიოს ყველა ამომრჩეველზე“, „ბატკამ მოატყუა- უთხრა, რომ ცირკში მიჰყავდა“.
სოციალურ ქსელსი ასევე გამოჩნდა ფოტოები, სადაც 9 მაისს, ლუკაშენკოს შვილი მამის გვერდით, უმაღლესი მთავრსარდლის სამოსში დგას და სამხედრო აღლუმს იბარებს.
