თავდაცვის ყოფილი მინისტრი დავით თევზაძე პოლიტიკური გაერთიანების ჩამოყალიბებას და ყრილობას აანონსებს.
თავდაცვის ყოფილმა მინისტრმა განცხადება დღეს პრესკონფერენციაზე გააკეთა. მისი განმარტებით, ოქტომბერში საზოგადოება მის თანამოაზრეებსაც გაიცნობს. სწორედ ამ დროისთვის გეგმავს დავით თევზაძე გაერთიანების ყრილობის გამართვას.
"სახელმწიფოში დღეს რომ რამე საგანგებო სიტუაცია შეიქმნას არ არის ადამიანი, რომელსაც შეუძლია ადგილზე მიიღოს სერიოზული გადაწყვეტილება. შეიქმნება პოლიტიკური გაერთიანება, რომელსაც მე ვუხელმძღვანელებ," - განაცხადა დავით თევზაძემ.
