რუსეთის პრეზიდენტი ვლადიმერ პუტინი დარწმუნებული არ არის, გამოიყენებს თუ არა უფლებას, პრეზიდენტის პოსტზე მეოთხედ იყაროს კენჭი. ამის შესახებ პუტინმა აშშ-ში ვიზიტის ფარგლებში მიცემულ ინტერვიუში განაცხადა.
პუტინმა დაასახელა, პირობები, რომელზეც დამოკიდებულია, რამდენად ხანგრძლივად სურს მას ხელისუფლებაში დარჩენა.
„რამდენად დიდი ხნით, ეს დამოკიდებულია ორ გარემოებაზე. პირველი - არსებობს წესები, რომელიც გათვალისწინებულია კონსტიტუციით და ის ჩემი მხრიდან არ დაირღვევა. მაგრამ არ ვარ დარწმუნებული, ამ კონსტიტუციული უფლებებით ბოლომდე ვისარგებლებ თუ არა. ეს დამოკიდებულია კონკრეტულ ვითარებაზე ქვეყანაში, მსოფლიოში და ჩემს პირად განწყობაზე“, - განამცხადა რუსეთის პრეზიდენტმა.
ორი წლის წინ პუტინმა განაცხადა, რომ არ გამორიცხავს 2018 წლის საპრეზიდენტო არჩევნებში მონაწილეობას.
