ოდესაში, უკრაინის უშიშროების სამსახურის შენობის ქვეშ მომხდარ აფეთქებას ტერაქტის კვალიფიკაცია მიეცა. ამის შესახებ ნათქვამია უკრაინის შსს ოდესის სამმართველოს მიერ გავრცელებულ ინფორმაციაში.
„მომხდარ ფაქტზე აღძრულია სისხლის სამართლის საქმე უკაინის სსკ-ის მეორე ნაწილის 258-ე მუხლით - ტერორისტული აქტი. მუხლი 7-დან 12 წლამდე თავისუფლების აღკვეთას და ქონების ჩამორთმევას ითვალისწინებს“, - ნათქვამია გავრცელებულ განცხადებაში.
წინასწარი ინფორმაციით, ასაფათქებელი მოწყობილობის სიმძლავრე, რომელიც დღეს დილით უკრაინის უშიშროების სამსახურის ოდესის სამმართველოს შენობის ქვეშ აფეთქდა, 5-6 კგ. ტროტილის ეკვივალენტია.
დღეს, 05:00 საათზე უკრაინის უშიშროების სამსახურის ოდესის სამმართველოს შენობის ქვეშ აფეთქება მოხდა. დაზიანებულია შენობის გარკვეული ნაწილი.
