რუსეთის პრეზიდენტის ნიუ-იორკში ვიზიტისას ორდღიანი აქცია გაიმართება. რუსი ოპოზიციონერი დეპუტატის ილია პონომორიოვის ინფორმაციით, 27 და 28 სექტემბერს იგეგმება 3 ღონისძიება. უკრაინელებთან, რუსებთან და ბალტიისპირელებთან ერთად, აქციებში აშშ-ში მცხოვრები ქართველებიც მიიღებენ მონაწილეობას.
საპროტესტო აქციები ორი დღის განმავლობაში გაგრძელდება, რადგან ვლადიმერ პუტინი გაეროს გენერალური ასამბლეის სხდომაზე სიტყვით ორჯერ წარდგება.
რუსი ოპოზიციონერის ინფორმაციით, ერთ-ერთი აქცია სახელწოდებით "პუტინი კლავს" ფონდ "თავისუფალი რუსეთის" მიერ იქნება ორგანიზებული. აქციის მონაწილეები მალაიზიური ბოინგის ჩამოგდების დროს დაღუპულთა მგზავრებს მიაგებენ პატივს.
პუტინის ვიზიტის დროს ასევე იგეგმება, საპროტესტო მსვლელობის გამართვა გაეროში რუსეთის წარმომადგენლობასთან.
ილია პონომარიოვის განცხადებით, საპროტესტო აქციების მთავარი მიზანი იმის დემონსტირებაა, რომ აშშ-ში მცხოვრები რუსულენოვანი ადამიანები პუტინის პოლიტიკას არ იზიარებენ.
