უკრაინის პრემიერ-მინისტრს ავიამიმოსვლის შეჩერების უფლებამოსილება არ აქვს. ასე აფასებს კრემლის პრეს-მდივანი არსენი იაცენიუკის ინიციატივას, რომელიც უკრაინასა და რუსეთს შორის ავიამიმოსვლის შეწყვეტას ითვალისწინებს.
„ეს იქნება კიდევ ერთი უჭკუო ქმედება კიევის მხრიდან და თუ გავითვალისწინებთ ბოლო 20 თვის პრაქტიკას, ავიამიმოსვლის შეწყვეტას უკრაინის მხრიდან არ გამოვრიცხავთ, მიუხედავად იმისა, რომ უკრაინის პრემიერს მსგავსი გადაწყვეტილებების მიღების უფლებამოსილება არ აქვს,“-აცხადებს დიმიტრი პესკოვი.
