მექაში დატრიალებულ ტრაგედიაში ირანის უმაღლესი ლიდერი საუდის არაბეთის ხელისუფლებას ადანაშაულებს. აიატოლა ალი ჰამენეის თქმით, ჰაჯის რიტუალზე მომხდარი ჭყლეტა სწორედ საუდის არაბეთის ხელისუფლების არაკორექტული ქმედებების ბრალია. „არაორგანიზებულობა და არაკორექტული ქმედებები- სწორედ ეს გახდა მიზეზი ამ შემზარავი ტრაგედიისა,“-აღნიშნა ჰამენეიმ. მისივე განკარგულებით, ირანში 3-დღიანი გლოვა გამოცხადდა. ტრაგედია მექაში ე.წ. „ეშმაკის ჩაქოლვის“ რიტუალის მსვლელობისას დატრიალდა. ჭყლეტაში, ბოლო მონაცემებით, 720-ზე მეტი ადამიანი დაიღუპა.
