პუტინს ასადის გარეშე სირიის მომავალი ვერ წარმოუდგენია. რუსეთის პრეზიდენტის თქმით, საომარი მოქმედების შეჩერება სირიაში მხოლოდ იმ შემთხვევაში იქნება შესაძლებელი, თუ მოქმედი რეჟიმი ტერორიზმის წინააღმდეგ ბრძოლაში საერთაშორისო დახმარებას მიიღებს. მისივე თქმით, გარკვეულ კომპრომისებზე ბაშარ ასადიც უნდა წავიდეს და ოპოზიციის ჯანსაღ ნაწილთან მოლაპარაკება უნდა აწარმოოს. რაც შეეხება რუსეთს, პუტინის თქმით, მისი ქვეყანა ასადის რეჟიმს ისლამურ სახელმწიფოსთან ბრძოლაში უკვე ეხმარება.
