რუსეთის ავიაცია დაჯგუფება ისლამური სახელმწიფოს პოზიციებზე იერიშების მიტანას საერთაშორისო კოალიციასთან შეთანხმების გარეშე გეგმავს. ამის შესახებ ინფორმაციას სააგენტო ბლუმბერგი ავრცელებს. მისივე ცნობით, ეს იმ შემთხვევაში მოხდება, თუ ოფიციალური ვაშინგტონი მოსკოვის წინადადებას უარყოფს.
კრემლი შეერთებული შტატებისგან საკუთარი მოქმედებების რუსეთთან, ირანთან და სირიის არმიასთან კოორდინირებას მოითხოვს. ბოლო პერიოდში მოსკოვმა სირიის სამთავრობო ძალების სამხედრო მხარდაჭერა მნიშვნელოვნად გააძლიერა, რაც დასავლეთის შეშფოთებას იწვევს.
