იმ შემთხვევაში, თუ შეერთებული შტატები სირიაში სამხედრო ოპერაციებს რუსეთთან, ირანსა და სირიის მოქმედ რეჟიმთან კოორდინაციის გარეშე აწარმოებს, რუსეთმა შესაძლოა ისლამური სახელმწიფოს პოზიციებზე საჰაერო იერიშები კოალიციასთან შეუთანხმებლად მიიტანოს. ამის შესახებ სააგენტო ბლუმბერგი იტყობინება. „პუტინს ურჩევნია კოალიციასთან შეთანხმებით იმოქმედოს, მაგრამ იმ შემთხვევაში, თუ ვაშინგტონი მის წინადადებას არ მიიღებს, რუსეთი საჰაერო დარტყმებს დამოუკიდებლად განახორციელებს,“-ნათქვამია ბლუმბერგის სტატიაში. ის, რომ რუსეთი სირიის მოქმედ რეჟიმს სამხედრო დახმარებას უწევს, პუტინმა ოფიციალურად უკვე დაადასტურა.
