სტიქიურ უბედურებებს და ტექნოგენურ კატასტროფებს 2014 წელს 8186 ადამიანი ემსხვერპლა. საგანგაშო სტატისტიკას საერთაშორისო წითელი ჯვარი აქვეყნებს. მეცნიერთა დასკვნით, სტიქიური კატასტროფები ძირითადად გლობალური დათბობით არის გამოწვეული, რაც წყალდიდობასა და მეწყერს იწვევს. ძლიერი წყალდიდობები გასულ წელს ინდოეთში, პაკისტანსა და ბალკანეთის ქვეყნებში იყო, ყველაზე მეტად კი სტიქიით 2014 წელს ჩინეთი დაზარალდა.
