“თავისუფალი დემოკრატების” ლიდერმა, საქართველოს თავდაცვის ყოფილმა მინისტრმა ირაკლი ალასანიამ ავღანეთში ქართველი სამხედროს ვასილ ყულჯანიშვილის დაღუპვის გამო მწუხარება გამოთქვა.
„მინდა მთელს საქართველოს მივუსამძიმრო ჩვენი გმირის გარდაცვალება ავღანეთში. ვასილ ყულჯანიშვილი, რომელიც იცავდა საერთაშორისო უსაფრთხოებას, ამით პირდაპირ იცავდა ჩვენს ქვეყანას ტერორიზმისგან და წვლილი შეჰქონდა ქვეყნის და ჩვენი საერთაშორისო თანამეგობრობის უსაფრთხოებაში. ეს ჩვენთვის უდიდესი დანაკლისია," - განაცხადა ირაკლი ალასანიამ.
შეგახსენებთ, რომ ავღანეთში, „მტკიცე მხარდაჭერის“ მისიის შესრულების დროს ქართველი სამხედრო მოსამსახურე, საქართველოს შეიარაღებული ძალების IV მექანიზირებული ბრიგადის 43-ე ბატალიონის პირველი კლასის რიგითი ვასილ გელას ძე ყულჯანიშვილი დაიღუპა.
