დღეს,23 სექტემბერს, საქართველოს საგარეო საქმეთა მინისტრის მოადგილე გიგი გიგიაძე საქართველოში ბელგიის სამეფოს ელჩს კარინ პეტიტს(რეზიდენციით ბაქო) შეხვდა.
მხარეებმა განიხილეს ორმხრივი და მრავალმხრივი თანამშრომლობის ფართო სპექტრი და შემდგომი განვითარების პერსპექტივები, მათ შორის, ევროპულ დაევროატლანტიკურ სტრუქტურებში საქართველოს ინტეგრაციის პროცესი, სავიზო რეჟიმის ლიბერალიზაციის მნიშვნელობა და ამ მიმართულებით, ბოლო პერიოდშიმიღწეული წარმატებები. ასევე, განხილვის თემას წარმოადგენდა რეგიონალური უსაფრთხოების საკითხები და ოკუპირებულ ტერიტორიებზე არსებული ვითარება.
შეხვედრაზე საუბარი შეეხო გაეროს 70-ე გენერალური ასამბლეის ფარგლებში დაგეგმილ ორმხრივ შეხვედრებს და ასევე, 8 ოქტომბერს, საქართველოს ვიცე-პრემიერის, საგარეო საქმეთა მინისტრის გიორგი კვირიკაშვილის დაგეგმილ ვიზიტს ბრიუსელში.
მინისტრის მოადგილემ მადლობა გადაუხადა ელჩს ბელგიის სამეფოს მიერ საქართველოსათვის გაწეული მხარდაჭერისთვის.
