საფრანგეთის ეროვნული ნაკრებისა და მანჩესტერ იუნაიტეტის ყოფილი ფორვარდი ერიკ კანტონა ლტოლვილების დახმარების სურვილს გამოთქვამს. ამის შესახებ მან The Daily Mirror-სთვის მიცემულ ინტერვიუში განაცხადა. ლეგენდარული ფეხბურთელი მზადაა ერთ ლტოლვილ ოჯახს მარსელში საკუთარი სახლი დაუთმოს. „ამ საკითხთან დაკავშირებით მარსელის მერიასთან მოლაპარაკებას ვაწარმოებ. თუ ქვეყანა იფარებს უსახლკაროდ დარჩენილ ადამიანებს და სამსახურით ვერ უზრუნველყოფს, მაშინ მის გამოკვებაზე უნდა იზრუნოს. ბებიაჩემი და ბაბუაჩემი ფრანკოს რეჟიმს გამოექცნენ და პირენეი ფეხით გადაიარეს. ეს არის ჩვენი ოჯახის ისტორია, რომელიც იმის სტიმულს მაძლევს, ლტოლვილებს დავეხმარო,“-განაცხადა კანტონამ.
