საფრანგეთის ულტრამემარჯვენე პარტია „ნაციონალური ფრონტის“ ლიდერს სასამართლოს წინაშე თავის მართლება მოუწევს. მარინ ლე პენს რასიზმში ადანაშაულებენ. საუბარია მის მიერ 4 წლის წინ გაკეთებულ სკანდალურ განცხადებაზე, როდესაც პოლიტიკოსმა მუსლიმანთა ლოცვები პარიზის ქუჩებში ნაცისტთა მიერ საფრანგეთის ოკუპაციას შეადარა. საქმე ლე პენის წინააღმდეგ 2011 წელს აღიძრა, მაგრამ პოლიტიკოსს ევროპარლამენტის დეპუტატის იმუნიტეტი იცავდა, რის გამოც მან მართლმსაჯულებას თავი აარიდა.
