გაკოტრებული მეჟპრომბანკის დამფუძნებელი, ტუვის ყოფილი გუბერნატორი სერგეი პუგაჩოვი მოსკოვს ჰააგის სასამართლოში უჩივის. ბიზნესმენი რუსეთის სახელმწიფოსგან კომპენსაციის სახით 10 მილიარდი დოლარის გადახდას მოითხოვს. სამშობლოში პუგაჩოვს მეჟპრომბანკის თანხების უკანონო მითვისებასა და საზღვარგარეთ გატანაში ადანაშაულებენ, რის შედეგადაც სახელმწიფოს 100 მილიარდი რუბლის ზარალი მიადგა. ბიზნესმენი ბრალდებას კატეგორიულად უარყოფს და ირწმუნება, რომ მისი ბანკი სახელმწიფომ მიზანმიმართულად გააკოტრა.
