მოლდოვაში გამართულმა საპროტესტო აქციებმა პირველი შედეგი უკვე გამოიღო. ფინანსური კრიზისისა და საზოგადოებრივი მღელვარების ფონზე თანამდებობა ეროვნული ბანკის ხელმძღვანელობამ დატოვა. როგორც ბანკის პრეზიდენტმა დორინ დრაგუტანუმ განაცხადა, მის წინააღმდეგ აგორებული კამპანია ყოველგვარ საფუძველსაა მოკლებული, თუმცა შექმნილი ვითარებიდან გამომდინარე, უფლებამოსილების დასათმობად მზადაა. სახალხო მღელვარება კიშინევსა და ქვეყნის დიდ ქალაქებში მას შემდეგ დაიწყო, რაც ეროვნული ვალუტა ლეი თითქმის 60 პროცენტით გაუფასურდა. ეროვნული ბანკის პრეზიდენტი ოპოზიციამ თაღლითობაში დაადანაშაულა.