"ეროვნული ბანკის შესახებ" კანონში ცვლილებები დღეს საკონსტიტუციო სასამართლში გასაჩივრდება. სარჩელს "ნაციონალური მოძრაობისა" და "თავისუფალი დემოკრატების" 30-ზე მეტი დეპუტატი აწერს ხელს.
საქმე ეროვნული ბანკიდან საფინანსო ზედამხედველობის ფუნქციის გატანას და ცალკე სააგენტოს შექმნას ეხება, რაც ოპოზიციის შეფასებით, არაკონსტიტუციურია.
მათივე განმარტებით, ქვეყნის ფინანსურ სტაბილურობაზე პასუხისმგებელი ეროვნული ბანკია, რომელიც შესაბამისი ინსტრუმენტების არარსებობის შემთხვევაში დაკისრებულ უფლებამოსილებას ვერ შეასრულებს.
