უნგრეთი საემიგრაციო კონტროლს ამკაცრებს. ქვეყნის პარლამენტმა გვიან ღამით კრიზისის დარეგულირების ახალ გეგმას დაუჭირა მხარი, რომლის მიხედვითაც სამხედრო მოსამსახურეებს ლტოლვილების წინააღმდეგ არალეტალური იარაღის გამოყენების უფლება ეძლევათ. მანამდე უნგრეთის საკანონმდებლო ორგანომ პოლიციას არალეგალთა დაპატიმრების უფლება მისცა. უნგრეთი ერთ-ერთი ევროპული ქვეყანაა, რომელიც ევროკავშირის მოთხოვნების შესრულებას არ აპირებს და ლტოლვილების მიღებაზე კატეგორიულ უარს აცხადებს.
