სირიელი ამბოხებულები რუსეთს ახალი ავღანეთით ემუქრებიან. როგორც სააგენტო როიტერი იტყობინება, ასადის რეჟიმის წინააღმდეგ მებრძოლი დაჯგუფებები პირობას სდებენ, რომ რუსეთიდან სირიაში გაგზავნილი ყველა ჯარისკაცი სამშობლოში კუბოთი დაბრუნდება.
მათივე მტკიცებით, მოსკოვის მიერ ასადის რეჟიმის მხარდაჭერა უკვე ბრძოლის ველზეც იგრძნობა, სადაც ახალი შეიარაღება და ტექნიკა გამოჩნდა, ასადის ავიაციის დარტყმები კი უფრო ზუსტი და გამანადგურებელი გახდა.
ოფიციალურმა მოსკოვმა უკვე ღიად განაცხადა, რომ სირიის მოქმედ რეჟიმს ტერორიზმთან ბრძოლაში ეხმარება.
