21-25 სექტემბერს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ორგანიზებითა და ევროკავშირის პროექტის -„შესაძლებლობების გაძლიერება საერთაშორისო ურთიერთობების მიმართულებით(CABIR)" მხარდაჭერით დაგეგმილია სემინარი საქართველოს საჯარო მოხელეებისათვის, რომლებიც ჩართულნი არიან ასოცირების შეთანხმების განხორციელების პროცესში.
სახელმწიფო მინისტრის აპარატის ინფორმაციით, სემინარის მიზნია მონაწილეთა შესაძლებლობის გაძლიერება პროექტის ციკლის მართვის (Project Cycle Management) და საპროექტო დოკუმენტაციის (Twinning Fiche, ToR) მომზადების პროცედურებთან დაკავშირებით.
აღნიშნული ღონისძიება იმართება საქართველოს სტრატეგიისა და საერთაშორისო ურთიერთობების კვლევის ცენტრის ოფისში (GFSIS) და მასზე გათვალისწინებულია 50-მდე საჯარო მოხელის დასწრება.
სემინარს ჩაატარებს მოწვეული ევროპელი ექსპერტი სტეფანიე ჰორელი. სემინარის დასასრულს მონაწილეებს გადაეცემათ შესაბამისი სერტიფიკატები.
