სომხეთში დღეს დამოუკიდებლობის 24-ე წლისთავს აღნიშნავენ. თარიღთან დაკავშირებით, ერევანში საზეიმო ღონისძიებებია დაგეგმილი.
თუმცა, სომხეთის მთავრობის გადაწყვეტილებით, სამხედრო აღლუმი დღეს არ გაიმართება.
სომხეთის პრეზიდენტსა და სომეხ ხალხს დღესასწაული რუსეთისა და აშშ-ს პრეზიდენტებმა უკვე მიულოცეს.
1991 წლის 21 სექტემბერს სომხეთმა საბჭოთა კავშირის შემადგენლობის დატოვების გადაწყვეტილება მიიღო და დამოუკიდებლობა გამოაცხადა.
