ყირიმის ბლოკადა ოფიციალურ დონეზე უნდა მოწყობილიყო და არა საზოგადოებრივი ორგანიზაციების აქტივისტების მიერ. ამის შესახებ ოდესის გუბერნატორმა მიხეილ სააკაშვილმა განაცხადა.
„ასეთ საქმეებს აკეთებს ოფიციალური სახელმწიფო ფორმირებები და არა საზოგადოების ნაწილი იარაღით ხელში. ამ ბლიკადის შემდეგ არაოფიციალური ფორმირებები ხელისუფლების მოპოვებას შეეცდებიან. ისინი იფიქრებენ, რომ რაღამც საზღვარი გადაკეტეს, ხელისუფლება მათია. სახელმწიფო ძალის გამოყენებაზე მონოპოლიას არავის უნდა აძლევდეს,“-აღნიშნა სააკაშვილმა.
„მემარჯვენე სექტორის“ აქტივისტებმა და ყირიმელმა თათრებმა ყირიმის ბლოკადა გუშინ დაიწყეს. მათ ნახევარკუნძულთან დამაკავშირებელი ყველა ტრასა გადაკეტეს.
