ბოლო 2 დღის განმავლობაში ავსტრიაში 20 ათასამდე მიგრანტი შევიდა. ეს მას შემდეგ მოხდა, რაც უნგრეთმა და ხორვატიამ ლტოლვილების მიღებაზე უარი თქვეს. მიგრანტები სპეციალური ავტობუსებით ავსტრიის საზღვართან მიიყვანეს. კიდევ ერთი ქვეყანა, საიდანაც ლტოლვილები ავსტრიის საზღვრის გადაკვეთას ახერხებენ, სლოვენიაა. რაც შეეხება უნგრეთს, ქვეყნის ხელისუფლებამ საზღვრის დამცავი ბარიერების მშენებლობა უკვე დაასრულა და ახალი საემიგრაციო რეგულაციები აამოქმედა, რომლის მიხედვითაც პოლიციას არალეგალების დაპატიმრების უფლება ეძლევა.
