აშშ-ის სახელმწიფო მდივანმა, ჯონ კერიმ განაცხადა, რომ აშშ შეშფოთებულია სირიაში რუსეთის მიერ საბრძოლო თვითმფრინავების განთავსების გამო. მისი თქმით, რუსეთის მიერ სირიაში განთავსებულ საბრძოლო ტაქტიკურ თვითმფრინავებს შეუძლიათ საფრთხე შეუქმნან აშშ-ის და მისი მოკავშირეების ძალებს.
ჯონ კერის შეფასებით, სერიოზულ შეკითხვებს აჩენს ის, რომ სირიაში განთავსდა თვითმფრინავები, რომლებსაც უნარი შესწევთ, „ჰაერი-ჰაერის“ კატეგორიის ბრძოლა აწარმოონ და ხმელეთი ჰაერის ტიპის რაკეტები. სახელმწიფო მდივანმა განაცხადა, რომ სირიის პრეზიდენტი, ბაშარ ალ-ასადი უნდა წავიდეს, თუმცა მისი წასვლის ვადებზე მოლაპარაკებაა საჭიროო.
ბრიტანეთის საგარეო საქმეთა მინისტრთან, ფილიპ ჰელმონდთან 19 სექტემბერს გამართული საუბრის შემდეგ, კერიმ მოუწოდა ირანს და რუსეთს, გამოიყენონ თავიანთი გავლენა და დაიყოლიონ ასადი მოლაპარაკებებზე. მისი თქმით, საჭიროა სწრაფად განახლდეს ძალისხმევა, რათა დასრულდეს ოთხწლიანი ომი და გაუარესებული კრიზისი ლტოლვილების გამო.
