ისლამისტებმა სირიის სამთავრობო არმიის 56 ჯარისკაცი სივდილით დასაჯეს.
Reuters -ის ინფორმაციით, ფაქტი აეროპორტ აბუ-ად-დუხურის ტერიტორიაზე, პროვინცია იდლიბში მოხდა.
”ჩვენ შეგვიძლია დავადასტუროთ ეს ინფორმაცია, ჩვენ გვყავს მოწმეები და გვაქვს ფოტოსურათები” -აცხადებს სირიის ადამიანის უფლებათა დაცვის მონიტორინგის ცენტრის ხელმძღვანელი რამი აბდულრაჰმანი.
მან განაცხადა, რომ აღნიშნული დანაშაული ჩადენილია რამდენიმე დღის წინ. სირიის შეიარაღებულმა ძალებმა აეროპორტზე 9 სექტემბერს დაკარგეს კონტროლი. გარნიზონმა ორწლიანი ბრძოლების შემდეგ დატოვა პოზიციები .
ტერორისტულმა ორგანიზაციამ ”ისლამური სახელმწიფო”, 2014 წლის ზაფხულში გამოაცხადა ხალიფატის შექმნა სირიისა და ერაყის ტერიტორიის ნაწილზე. 2015 წლის მაისში ”ისლამური სახელმწიფო”-ს ბოევიკებმა სიკვდილით დასაჯეს სირიის ქალაქ პალმირში ტყვედ აყვანილი 217 ადამიანი. მოკლულთა შორის 67 მშვიდობიანი მცხოვრები და 150 ჯარისკაცია.
