ყაზახეთმა და მსოფლიო სავაჭრო ორგანიზაციამ ევრაზიის ეკონომიკურ კავშირს პრობლემები შეუქმნეს. ამის შესახებ ბელარუსის ლიდერმა სოჭში რეგიონალურ ფორუმზე გამოსვლისას განაცხადა. „იძულებულნი ვართ შევეგუოთ იმას, რაც ყაზახეთმა და მსოფლიო სავაჭრო ორგანიზაციის თანამშრომლობამ მოგვიტანა. ყაზახეთს აქვს საბაჟო შეღავათები, რაც რუსულ და ბელარუსულ ბაზრებს საფრთხის ქვეშ აყენებს,“-აღნიშნა ლუკაშენკომ. ყაზახეთი მსოფლიო სავაჭრო ორგანიზაციას ივლისში შეუერთდა და გაცილებით მომგებიანი საბაჟო შეღავათები მიიღო, ვიდრე ევრაზიულ კავშირში აქვს.
